Загалмай холбоосны гэмтэл
Загалмай холбоосны гэмтэл гэж юу вэ?
Загалмай холбоосны гэмтэл нь өвдөгний холбоосны гэмтлийн дотроос хамгийн түгээмэл өвчин юм. Эхэндээ «тас» хийх чимээ гарч, урагдах мэт мэдрэмж төрөхийн зэрэгцээ гэмтсэн хэсэг хавдаж, өвддөг. Хэдэн өдрийн дараа хаван, өвдөлт намдаж, өдөр тутмын амьдралд саад учруулахгүй болдог тул эрт эмчилгээ хийлгэхэд бэрхшээлтэй байдаг. Загалмай холбоос гэмтсэн үед цаг тухайд нь эмчилгээ хийлгэхгүй бол урагдсан хэсэгт цус хурах, үрэвсэл үүсдэг. Хугацаа өнгөрөхөд дегенератив артрит болж хувирах эрсдэлтэй бөгөөд бусад холбоос, мөгөөрс зэрэг өвдөгний үеийг тогтоон барьдаг бүтцэд нэмэлт гэмтэл учруулж болзошгүй тул эрт эмчлэх нь чухал.
Загалмай холбоосны гэмтлийн ангилал
Цөөн тооны ширхэг урагдсан тохиолдол бөгөөд үений сулрал бараг байхгүй, холбоосны дээд талд хавдар, дарахад өвдөх шинж илэрдэг ч үений хөдөлгөөн хязгаарлагдахгүй
Холбоосны 2/3 орчим нь урагдсан тохиолдол бөгөөд дунд зэргийн үений сулрал ажиглагдаж, хөдлөх үед өвдөх тул өвдгөө ашиглахаас зайлсхийж, хөдөлгөөн хязгаарлагддаг
Дотор талын хажуугийн холбоосын гадаргуугийн давхарга төдийгүй гүн давхарга нь урагдсан тохиолдол бөгөөд туйлын хүчтэй өвдөлт, хүчтэй хавдалт, хөдөлгөөний хязгаарлалт маш их байна
Шинж тэмдэг
Загалмай холбоос гэмтвэл өвдөгний гүнээс хүчтэй өвдөлт мэдрэгддэг.
- 1
- «Тас» хийх мэдрэмжийн дараа өвдөг хүчтэй өвдөнө
- 2
- Хөл сулрах эсвэл ганхах
- 3
- Алхах, гүйх үед өвдөгний өвдөлт хүчтэй болно
- 4
- Өвдөг хавагнана
Урд загалмай холбоосны гэмтэл
Урд загалмай холбоос нь өвдөгний дотор шилбэний яс урагш гулсахаас сэргийлэн бэхэлж, өвдөгний үеийг тогтвортой байлгахын зэрэгцээ эргэх хөдөлгөөний төв тэнхлэгийн үүрэг гүйцэтгэн хөл хэт эргэхээс хамгаалдаг. Гэвч хойд загалмай холбоостой харьцуулахад нарийн, цохилтод тэсвэр султай тул илүү амархан урагддаг. Урагдсан үед гэмтлийн зэрэг нь их байдаг. Урд загалмай холбоос нь үсэрсний дараа газардах үед, гүйж яваад гэнэт зогсох буюу чиглэлээ өөрчлөх үед, эд зүйл болон хүнтэй мөргөлдөх үед, унаж өвдгөө цохих үед, цана буюу роликон гулгуур унаж яваад унах үед, замын хөдөлгөөний ослын цохилт авах үед гэх мэт ихэвчлэн гадны гэмтлээс болж гэмтдэг.
Хойд загалмай холбоосны гэмтэл
Хойд загалмай холбоос нь шилбэний яс гуяны ясны хувьд хойшоо шилжихээс сэргийлэх үүрэгтэй. Өвдөгний үе хэт товойх буюу шилбэний яс хойшоо байрлалаа өөрчлөх үед, өвдгөө нугалсан байдалтай унах зэрэгт элбэг тохиолддог. Хойд загалмай холбоосны гэмтлийн 80%-д нь бусад холбоосны гэмтэл дагалддаг тул анхаарах хэрэгтэй.
Оношилгоо, эмчилгээ
Асуумж, бодит үзлэг, MRI, артроскопи зэргээр оношилж болно. Нарийвчилсан шинжилгээний (MRI) дүнд гэмтэл хүнд байвал артроскоп ашиглан сэргээх мэс засал хийдэг. 2~3 хоног хэвтвэл гарах боломжтой бөгөөд тодорхой хугацааны сэргээн засалт шаардлагатай.