Ясны чөмөгний өтгөрүүлсэн шингэний тарилга (BMAC)
Өвдөгний остеоартритад ясны чөмөгний өтгөрүүлсэн шингэнийг үений хөндийд тарих эмчилгээ гэж юу вэ?
Өвдөгний остеоартритад хийх ясны чөмөгний өтгөрүүлсэн шингэний үений хөндийн тарилгын эмчилгээ нь дегенератив артритын өвдөлтөөр зовж буй өвчтөнүүдэд өвдөлт намдаах үр дүнтэй нь батлагдаж, 2023 оны 7 сард Эрүүл мэндийн яамнаас шинэ эмнэлгийн технологийн аюулгүй байдал, үр дүнтэй байдлыг хүлээн зөвшөөрсөн эмчилгээюм.
Өвчтөний аарцгийн ясны ойролцоох ташааны ясны сэртэнгээс өөрийнх нь ясны чөмөгийг авч, түүнийг центрифугдэн өтгөрүүлсэн ясны чөмөгний үүдэл эсийг өвдөгний үений хөндийд тарих аргаар эмчилгээ хийгддэг.
Ерөнхий мэдээ алдуулалт, зүслэггүйгээр хийгддэг бөгөөд нийт хугацаа нь 20~30 минут дотор багтдаг тул өвчтөнд ноогдох ачаалал харьцангуй бага.
Нэг удаагийн тарилгаар өвдөгний үений өвдөлтийг намдааж, үйл ажиллагааг сайжруулах эмчилгээний үр дүнг хүлээж болно.
Өвдөгний остеоартритад ясны чөмөгний өтгөрүүлсэн шингэнийг үений хөндийд тарих эмчилгээнд хамрагдах өвчтөн
Артритын дунд зэргийн буюу Келлгрен-Лоуренсийн ангиллаар (KL grade) 2~3 үе шат (ICRS 3~4 үе шат)-ны өвдөгний остеоартриттай өвчтөн.
Насны хязгаарлалтгүйгээр эмчлүүлэх боломжтой.
Өвдөгний остеоартритад ясны чөмөгний өтгөрүүлсэн шингэнийг үений хөндийд тарих эмчилгээний давуу тал
- 1
- Аюулгүй
Өвчтөний өөрийнх нь биеэс авсан үүдэл эсийг ашигладаг тул няцаах урвал, генийн мутацийн эрсдэлгүй. - 2
- Хурдан эдгэрэлт
Ерөнхий мэдээ алдуулалт болон зүслэггүйгээр хийгддэг тул хурдан эдгэрэх боломжтой. - 3
- Өвдөлт бууруулах, үрэвсэл намдаах
Нэг удаагийн тарилгаар өвдөгний үений өвдөлтийг намдааж, үйл ажиллагааг сайжруулна.
Одоо байгаа мэс заслын бус эмчилгээгээр төдийлөн сайжраагүй ч хиймэл үе солих мэс засал хийлгэхэд эрт байгаа дунд шатны артриттай өвчтөнүүдэд зориулсан шинэлэг эмчилгээ бөгөөд Тарилга хийсний дараа шууд алхаж, өдөр тутмын амьдралаа авч явах боломжтой. Тарилгын дараа өвдөлтийг хянахын тулд нэг орчим хоног эмнэлэгт хэвтэнэ.
Эмчилгээний дараах анхаарах зүйл
- Хувь хүний шинж тэмдгээс хамааран эмчилгээний үр дүн, хугацаа өөр байж болно.
- Мэс засал болон эмчилгээний үед маш ховор тохиолдолд цус алдалт, халдвар, тромб зэрэг илэрч болно.
- Эмчилгээний дараа түр зуурын гаж нөлөө илэрч болох бөгөөд энэ нь хүн бүрийн биеийн байдлаас хамааран өөр байна.
